U Łatvii minimalny zarobak pavialičycca da 780 jeŭra
Z 1 studzienia 2026 hoda minimalny miesiačny zarobak pavialičycca z 740 jeŭra da 780 jeŭra.
Ministr dabrabytu Rejnis Uzulnijeks adznačyŭ, što pavyšeńnie minimalnaj zarpłaty «pakazvaje prychilnaść urada da pastupovaha pavyšenia ŭzroŭniu žyćcia nasielnictva i skaračeńniu niaroŭnaści dachodaŭ», piša Delfi.
U minułym hodzie ŭ Łatvii ŭ siarednim 117 895 rabotnikaŭ (15,3%) atrymlivali minimalny zarobak abo nižej. Tryma hadami raniej hety pakazčyk byŭ na 4,1 pracenta vyšej (19,4%).
U Biełarusi minimalny zarobak za kastryčnik skłaŭ 752,52 rubla pa siarednim kursie jeŭra za minuły miesiac heta 216,5 jeŭra. Z 1 studzienia 2026 hoda minimałka ŭ Biełarusi budzie 858 rubloŭ, to-bok 247 jeŭra.