Dziaŭčyna damahłasia, kab mabilny apieratar źmienšyŭ joj rachunak za pasłuhi ŭ 10 razoŭ
Biełaruskaja abanientka MTS atrymała rachunak bolš jak na 4400 rubloŭ paśla taho, jak u jaje na niekalki siekund vyklučyŭsia «režym palotu» padčas znachodžańnia za miažoj. Choć dziaŭčyna nie karystałasia internetam i nie zvaniła, telefon paśpieŭ spažyć kala 45 MB trafiku ŭ roŭminhu, što i pryviało da vializnaj sumy, piša Telegraf.news.
Zdymak ilustracyjny. Fota: bestbelarus.by
Paśla taho jak biełaruska apublikavała svaju historyju ŭ sacsietkach, MTS źmienšyŭ joj rachunak prykładna ŭ 10 razoŭ — da 431,71 rubla. Ci źviartałasia jana niepasredna ŭ kampaniju, dziaŭčyna nie ŭdakładniła, ale ličyć, što apieratyŭnaja reakcyja źviazanaja z šyrokim abmierkavańniem situacyi ŭ internecie.
MTS, darečy, maje instrukcyju, jak adklučyć roŭminh padčas pajezdak za miažu — heta možna zrabić u sałonie, u prykładańni abo praz admysłovuju kamandu na telefonie.