Va ŭkrainskim Chmialnickim z reabilitacyjnaha centra ŭciakli dźvie lvicy. Adnu łoviać dahetul
U Chmialnickim, abłasnym centry Ukrainy, z pryvatnaha reabilitacyjnaha centra dla dzikich žyvioł uciakli dźvie dvuchhadovyja lvicy. Adnu ź ich užo złavili, a druhaja praciahvaje znachodzicca ŭ horadzie, paviedamiła Chmialnickaja abłasnaja prakuratura.
Terytoryja reabilitacyjnaha centra, adkul uciakli lvicy. Fota: Prakuratura Ukrainy
Dyrektar centra Siarhiej Palochin paviedamiŭ, što ŭnačy nieviadomyja złamali zamki na dźviarach valjera, a ranicaj jon ubačyŭ, što dźvie lvicy ŭciakli. Paśla hetaha zahinuli niekalki inšych žyvioł, jakija byli ŭ susiednich valjerach.
Fota: Prakuratura Ukrainy
Dla pošuku druhoj lvicy pryciahnutyja drony i patrulnaja palicyja Chmialnickaha.
Fota: Prakuratura Ukrainy
Pavodle śledstva, paśla hetaha incydentu zaviali kryminalnuju spravu pa artykule 299 Kryminalnaha kodeksa Ukrainy — žorstkaje abychodžańnie z žyviołami. Pravodzicca kompleks śledčych mierapryjemstvaŭ, kab vyznačyć pryčyny ŭciokaŭ, asob, jakija da hetaha datyčnyja, i acanić dziejańni kiraŭnictva centra.
Čytajcie taksama:
«Vaŭki, jakija doŭha žyli ź ludźmi». Parody sabak pačali raźvivacca jašče ŭ Kamiennym vieku
Źbiehły mejn-kun napałochaŭ viosku na zachadzie Hiermanii
Miedźviedziania, jakoje biehała pa vulicach Viciebska, złavili