Dla pajezdak ź Minska ŭ Barysaŭ i Žodzina zakupiać 15 dadatkovych aŭtobusaŭ
Napramak karystajecca vialikim popytam: mnohija miascovyja žychary jeździać u stalicu na pracu abo vučobu i ŭtvarajucca vialiki čerhi. Adnak u chutkim časie situacyja pavinna źmianicca — pra płany raskazali ŭ Mintransie.
Ilustracyjnaje fota
Minabłvykankam źbirajecca kupić dadatkova 15 mižharodnich aŭtobusaŭ dla pajezdak ź Minska ŭ Barysaŭ i Žodzina i nazad. Heta dazvolić skaracić intervały ruchu, pavialičyć kolkaść rejsaŭ i ŭ cełym palepšyć jakaść transpartnaha absłuhoŭvańnia.
Jašče adna miera dla hetaha — paetapny pierachod na pasadku pasažyraŭ pa biletach, nabytych praz kasy i sistemy braniravańnia. Ciapier absłuhoŭvańnie idzie pa žyvoj čarzie.
Nahadajem, što Łukašenka ŭčora na naradzie daŭ zahad razabracca z maršrutkami.
Jon aburyŭsia niedachopam hramadskich vidaŭ transpartu ŭ pryharadnym i mižharodnim złučeńni.
«Ludzi kryŭdziacca: stajać, asabliva ŭ hadziny pik, pa 150 mietraŭ, jak jany pišuć, u čerhach, kab ucisnucca ŭ hetuju maršrutku śmiardziučuju, — skazaŭ jon. — Słuchajcie, čaho vy ź ludziej ździekujeciesia?!»