Pryniata rašeńnie ab budaŭnictvie treciaha błoku na Biełaruskaj AES
Pra heta zajaviŭ vice-premjer Viktar Karankievič.
Fota: LookByMedia
«Pa vynikach narady pryniata rašeńnie ab raźvićci Astravieckaj atamnaj elektrastancyi, realizacyi druhoj čarhi — budaŭnictvie treciaha enierhabłoka, — skazaŭ jon. — I paralelna budzie arhanizavanaja rabota pa daśledavańni placovak na terytoryi Mahiloŭskaj vobłaści. Hetaje dadatkovaje daśledavańnie budzie prachodzić (na temu taho), dzie mahčyma ŭ dalejšym va ŭmovach rostu elektraspažyvańnia (kali spatrebicca dalejšaje zadavalnieńnie rostu elektraspažyvańnia za košt atamnaj enierhietyki) raźvićcio atamnaj enierhietyki i mienavita ŭ Mahiloŭskim rehijonie».
«Pamianiałasia staŭleńnie biełarusaŭ da mirnaha atama. Pavodle źviestak sacyjołahaŭ, u pačatku budaŭnictva BiełAES jaho padtrymlivała 60% nasielnictva, a siońnia, z ulikam raboty i inšych stanoŭčych faktaraŭ, — užo bolš za 80%», — zajaviŭ siońnia Łukašenka.