Karciny z kalekcyi Viktara Babaryki znoŭ sprabujuć pradać
Na aŭkcyjon paŭtorna vystavili častku kalekcyi karcin Viktara Babaryki. Abjavy apublikavanyja na sajcie «BiełJurZabieśpiačeńnia», zaŭvažyła «Lusterka».
Kałaž z fota z sajta e-auction.by
Šeść karcin z kalekcyi palitźniavolenaha Viktara Babaryki pradaduć z małatka 25 listapada.
Siarod ich tvory «Arlekin» i «Bukiet kvietak» francuzska-polskaha mastaka Jaŭhiena Zaka. Startavaja cana pieršaj — 79 449 rubloŭ, druhoj — 52 966. A taksama «Piejzaž» Michaiła Kikoina, karcinu buduć pradavać ad 45 021 rubla. I jaho ž «Jabłyni» — za 39 724. Pracu mastaka Paryžskaj škoły ź Biełarusi Vosipa Lubiča «Teatralnaja łoža», napisanuju prykładna ŭ 1925 hodzie, vystavili ad 15 889 rubloŭ.
Kalekcyju eks-bankira ŭžo sprabavali pradać u kastryčniku. Ahulny startavy košt 19 tvoraŭ mastactva byŭ kala 344 tysiač rubloŭ.
Častku karcin — najbolš tannyja — tady pradali.
Eks-staršyniu praŭleńnia «Biełhazprambanka» Viktara Babaryku prysudzili 14 hadoŭ kałonii ŭzmocnienaha režymu.
Čytajcie taksama:
Łosik raskazaŭ, jak Babaryku katavali ŭ navapołackaj kałonii
«Takoje ŭražańnie, što Viktara Babaryku taksama rychtujuć da vyzvaleńnia»