Kryšcijanu Ranałdu ŭpieršyniu atrymaŭ čyrvonuju kartku ŭ hulniach za Partuhaliju
40‑hadovy forvard atrymaŭ kartku ŭ matčy adboračnaha turniru da čempijanatu śvietu pa futbole suprać Irłandyi, jaki prajšoŭ učora ŭ Dublinie.
Fota: Charles McQuillan / Getty Images
Na 61‑j chvilinie Ranałdu ŭdaryŭ łokciem u śpinu abaroncu Daru O'Šy. Sudździa Hlen Ńjubierh spačatku pakazaŭ forvardu žoŭtuju kartku, adnak paśla kansultacyi z VAR vydaliŭ partuhalca.
U kłubnaj karjery na rachunku Ranałdu 12 čyrvonych kartak.
Irłandyja pieramahła va ŭčorašnim matčy ź likam 2:0, a Partuhalija nie zmahła zavajavać pramuju pucioŭku na čempijanat śvietu.
U apošnim tury čyrvona-zialonyja u niadzielu zhulajuć doma z Armienijaj, ale Kryšcijanu prapuścić hety matč.
Zaŭtra, u subotu, zbornaja Biełarusi praviadzie svoj matč adboračnaha turniru suprać Danii. Pačatak a 22:45 pa minskim časie.
Čytajcie taksama:
Karłas Ałos: Kali b ja słuchaŭ usie parady, pryjšłosia b vyklikać u zbornuju 250 futbalistaŭ
Kolki kaštuje ŭdar u nos? U Homieli sudziać futbalistaŭ za masavuju bojku na stadyjonie
Vyniesiena rašeńnie za abrazu «čornym šympanze» ŭ biełaruskim futbole