MZS Ukrainy patłumačyła, čamu nie zakryvaje pasolstva ŭ Biełarusi
Ukrainskaje Ministerstva zamiežnych spraŭ paviedamiła na zapyt vydańnia Liga.net, što dypłamatyčnaja misija ŭ Minsku praciahvaje pracavać, kab źnizić ryzyku dalejšaha ŭciahvańnia Biełarusi ŭ vajnu na baku Rasii, a taksama dapamahać hramadzianam Ukrainy, jakija znachodziacca na terytoryi Biełarusi i Rasii.
Pasolstva Ukrainy ŭ Biełarusi. Fota: yandex.com
Siarod hałoŭnych zadač pasolstva Ukrainy — konsulskaja dapamoha i abarona ŭkraincaŭ, sadziejničańnie viartańniu niezakonna vyviezienych dziaciej z akupavanych terytoryj, a taksama praca ź inšymi zamiežnymi dypłamatyčnymi misijami adnosna parušeńniaŭ Rasijaj mižnarodnaha humanitarnaha prava i ŭdziełu Biełarusi ŭ hetych dziejańniach.
Va ŭkrainskim MZS adznačyli, što pasolstva dziejničaje ŭ składanych umovach — na fonie zbližeńnia Minska i Maskvy ŭ ramkach «Sajuznaj dziaržavy» i aktyŭnaha vajskova-techničnaha, ekanamičnaha i kulturnaha supracoŭnictva pamiž imi.
Pry hetym vajskovy ataše Ukrainy ŭ Biełarusi ciapier nie pracuje.
Akramia taho, viedamstva paviedamiła Liga.net, što pa nieaficyjnaj infarmacyi ŭ Biełarusi ciapier znachodzicca kala 200 tysiač ukrainskich hramadzian, ale na konsulskim uliku — tolki kala 7 tysiač. Z pačatku hoda da siaredziny vieraśnia pasolstva pieraličyła ŭ biudžet Ukrainy kala 110 tysiač dalaraŭ za konsulskija pasłuhi.
Čytajcie taksama:
Aranžavy rejd, abo Jak ukraincy jeździli ŭ Minsk biełarusaŭ abudžać
Pasoł Ukrainy pa asablivych daručeńniach Ihar Kizim pakinuŭ svaju pasadu
«Paniaćcia «prabačyć» nie budzie». Ihar Kizim — pra Biełaruś na paślavajennych pieramovach