Mierkavanaja pazašlubnaja dačka Łukašenki ŭładkavałasia na novuju pracu — jana źviazanaja z chakiejem

Kryścina Mocnaja znajšła prymianieńnie svaim dyzajnierskim talentam.

Kryścina Mocnaja padzialiłasia ŭ sacsietkach, što ŭładkavałasia na novuju pracu. 

«Niejkim čynam ja ciapier pracuju dyzajnieram u chakiejnym kłubie», — pachvaliłasia svaim padpisantam u instahramie dziaŭčyna. 

View this post on Instagram

A post shared by kristina ☼ minsk (@kressmots)

Miarkujučy pa pracoŭnych videazamaloŭkach, havorka idzie pra minskaje «Dynama», hałoŭny chakiejny kłub Biełarusi.

Skrynšot: instahram: @kressmots

U śniežni 2024 hoda žurnalisty-rasśledavalniki z «Biuro» vyśvietlili, što ŭ svoj čas Łukašenka byŭ blizki sa svajoj cyrulnicaj Śniažanaj Mocnaj.

Śniažana i Kryścina Mocnyja. Fota: instahram @snezhana.motsnaya

U lutym 2000 hoda ŭ Śniažany naradziłasia dačka Kryścina. Ni na toj momant, ni paśla Śniažana Mocnaja zamužam aficyjna nie była. Jana i pa siońnia nosić svajo dziavočaje proźvišča. U hrafie «baćka» ŭ Kryściny paznačyli Alaksandra Ryhoraviča Mocnaha, ale takoha čałavieka ŭ Biełarusi nikoli nie isnavała. Pa hetych i inšych śviedčańniach žurnalisty vykazali zdahadku, što Kryścina źjaŭlajecca pazašlubnaj dačkoj Łukašenki.

Kryścina Mocnaja. Fota z archiva siamji

Kryścina zachaplajecca dyzajnam daŭno. U 2022 hodzie dziaŭčyna skončyła Minski dziaržaŭny linhvistyčny ŭniviersitet, dzie akcent rabiła na vyvučeńnie anhlijskaj i niamieckaj moŭ, i pieršapačatkova płanavała być nastaŭnicaj niamieckaj movy (čym vielmi hanaryłasia jaje maci). Ale znajšła siabie ŭ takoj śfiery, jak hrafičny dyzajn.

U 2023 hodzie Kryścina skončyła navučańnie ŭ rasijskim «Biuro Harbunova». Paśla pracavała śpiecyjalistkaj pa źniešnieekanamičnaj dziejnaści ŭ kampanii TAA Izovac, što vyrablaje vakuumnyja ŭstanoŭki. Dyzajn ža niejki čas zastavaŭsia dla jaje padpracoŭkaj na fryłansie, ciapier ža staŭ asnoŭnaj pracaj.

Kryścina Mocnaja. Fota z archiva siamji

Darečy, akurat niadaŭna maci Kryścina dzialiłasia ŭ svaich sacsietkach, što adpuściła dačku ŭ svabodnaje płavańnie — žyć asobna. Vidać, takija pieramieny ŭ tym liku źviazanyja z novaj stabilnaj pracaj.

Kamientary da artykuła