Da asnoŭnaha etapu rekanstrukcyi byłoj Vaładarki prystupiać u nastupnym hodzie, pačaŭsia demantaž niekatorych elemientaŭ
U Minsku adbudziecca rekanstrukcyja niekalkich abjektaŭ sa statusam historyka-kulturnaj kaštoŭnaści. Pra heta na «Radyjo-Minsk» raskazała staršynia kamiteta budaŭnictva i inviestycyj Minharvykankama Iryna Hontarava.
Bujny prajekt, jaki realizujecca ŭ horadzie pradpryjemstvam «Minskaja spadčyna», — rekanstrukcyja Piščałaŭskaha zamka na vuł. Vaładarskaha (byłoje SIZA i turma na praciahu dvuch stahodździaŭ).
U raspracoŭcy znachodzicca prajektnaja dakumientacyja. Pavodle zaćvierdžanaj kancepcyi ŭ kompleksie płanujucca abjekty hramadskaha charčavańnia, administracyjnyja pamiaškańni.
— Heta ahulnaharadski abjekt. Jon raźmieščany niedaloka ad vakzała, tamu, dumaju, nie tolki minčanie, ale i hości stalicy z zadavalnieńniem buduć jaho naviedvać, — adznačyła Hontarava. — Užo pačalisia demantažnyja raboty tych elemientaŭ kompleksu, jakija nie adnosiacca da historyka-kulturnaj kaštoŭnaści. A ŭ nastupnym hodzie prystupiać da asnoŭnaha etapu rekanstrukcyi.
Jana taksama nahadała, što zusim niadaŭna ŭ stalicy paśla rekanstrukcyi adkryŭsia ŭnikalny kompleks. U byłych histaryčnych budynkach na terytoryi Łošyckaha parku pačali pracavać šerah novych abjektaŭ: zahs, kafe i restarany, mini-haścinica.
— Usie žadajučyja mohuć pravieści tut čas, niezaležna ad jakich-niebudź uračystaściaŭ, — adznačyła čynoŭnik. — Abjekt atrymaŭsia ŭnikalny. Terytoryja poŭnaściu dobraŭparadkavana, jość vychad da vady.
Pavodle słoŭ Hontaravaj, u Łošyckim parku zachavalisia ruiny młyna i kaplicy, jakija ŭ budučyni taksama pieratvoracca. Raspracoŭvajecca kancepcyja ŭznaŭleńnia hetych abjektaŭ, što taksama majuć status historyka-kulturnaj kaštoŭnaści.