Maładoj fatohrafcy i dyzajniercy, jakaja šukała pracu ŭ Varšavie, dali kałoniju za «sadziejničańnie ekstremisckaj dziejnaści»
Darja Pučyła ŭ lutym 2024 šukała pracu ŭ Varšavie. Nieviadoma, što było dalej, ale aryštavali jaje ŭ pačatku hetaha hoda ŭ Biełarusi. Ciapier dziaŭčyna za kratami.
Darja Pučyła. Fota ź jaje instahrama
Darji Pučyła 27 hadoŭ. Jana minčanka. Skončyła jurydyčny fakultet Minskaha inavacyjnaha ŭniviersiteta ŭ 2019 hodzie. Va ŭniviersitecie jana ŭdzielničała ŭ studenckich jurydyčnych alimpijadach.
Darja Pučyła — fatohrafka. Jana fatahrafuje jak dla siabie, hetak i na zamovu. Dziaŭčyna piša, što moža dapamahčy z pošukam vobraza dla fota i adzieńnia dla jaho, a taksama studyi.
U studzieni i lutym 2024 Darja šukała zamovy na veb-dyzajn. Na adnym z sajtaŭ jana pisała, što pačatkoviec, šukaje pracu ŭ Varšavie i hatovaja pierajechać, razhledzić lubyja prapanovy.
Darja Pučyła. Fota ź jaje instahrama
Darja zrabiła apošni post u instahramie ŭ śniežni 2024 hoda. Ukantakcie była anłajn u apošni raz 7 lutaha 2025 hoda — heta byŭ dzień, kali pačalisia zatrymańni pa spravie Hajuna.
Darju asudzili ŭ 2025 hodzie pa abvinavačańni ŭ «sadziejničańni ekstremisckaj dziejnaści» (č. 1 i č. 2 art. 361‑4 KK). Sutnaść abvinavačańniaŭ, jak i prysud nieviadomyja.
Dziaŭčynie pahražała da siami hadoŭ kałonii. Prysud ustupiŭ u siłu — ciapier Darja, chutčej za ŭsio, u Homielskaj žanočaj kałonii.
Čytajcie taksama:
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
70‑hadovuju žančynu z Homiela pasadzili za kamientary. Heta samaja pažyłaja palitźniavolenaja