U Minsku bolš nie daduć ziamli pad budaŭnictva pryvatnikam
Ułady Minska bolš nie buduć pieradavać ziamielnyja ŭčastki pad budaŭnictva žylla pryvatnym zabudoŭnikam. Pra heta paviedamiła staršynia Kamiteta budaŭnictva i inviestycyj Minharvykankama Iryna Hontarava ŭ efiry «Radyjo-Minsk».
Zdymak ilustracyjny. Fota: «Naša Niva»
Pavodle słoŭ čynoŭnicy, usie novyja ŭčastki, jakija vyzvalajucca paśla znosu pryvatnaha siektara, buduć pieradavać tolki kamunalnym pradpryjemstvam. Pryčyna ŭ tym, što ŭ stalicy nie chapaje volnaj ziamli dla novaj zabudovy, tamu pryjarytet addajecca dziaržaŭnym strukturam.
Ciapier u Minsku kala pałovy ŭsich novych žyllovych abjektaŭ — 36 z 89 — budujecca siłami kamunalnych pradpryjemstvaŭ.
Takim čynam, pryvatnyja budaŭničyja kampanii bolš nie atrymajuć mahčymaści ŭdzielničać u raźmierkavańni novych učastkaŭ pad žyllovuju zabudovu ŭ stalicy.
Čytajcie taksama:
U kastryčniku samy darahi dom u Biełarusi kupili ŭ zakrytym pasiołku kala Minskaha mora
U Minsku zaviaršyli budaŭnictva piacizorkavaha hatela na miescy kolišniaha «Biełekspa»