Prezident Kienii paprasiŭ Zialenskaha vyzvalić uziatych u pałon kienijcaŭ
Uiljam Ruta ŭ telefonnaj razmovie z ukrainskim prezidentam paprasiŭ jaho ab vyzvaleńni kienijcaŭ, jakija akazalisia ŭ zonie bajavych dziejańniaŭ va Ukrainie. Pra heta Ruta raskazaŭ u svaim Ch.
Uiljam Ruta. Fota: Wikimedia Commons
«My vykazali zaniepakojenaść nakont maładych kienijcaŭ, jakija byli niezakonna zavierbavanyja dla ŭdziełu ŭ vajnie va Ukrainie <…>. Ja źviarnuŭsia da prezidenta Zialenskaha z prośbaj sadziejničać vyzvaleńniu luboha kienijca, jaki znachodzicca pad vartaj va Ukrainie», — napisaŭ Ruta.
Raniej dypłamatyčnyja krynicy Daily Nation paviedamili pra jak minimum dziasiatak kienijcaŭ, jakija apynulisia ŭ Rasii abo ŭ zonie bajavych dziejańniaŭ va Ukrainie. Niekatoryja ź ich zdalisia ŭkrainskim vajskoŭcam, inšyja byli viernuty dziakujučy humanitarnym namahańniam, pisała vydańnie. Pavodle danych Standard, Ruta kaža pra kienijcaŭ, jakija byli ŭziaty ŭ pałon ukrainskimi vajskoŭcami.
Ministerstva zamiežnych spraŭ Kienii zajaŭlała, što jamu viadoma pra vypadki vierbavańnia hramadzian, u vyniku jakich tyja apynulisia ŭ zonie bajavych dziejańniaŭ.
«MZS viadzie pieramovy z uładami ŭ Kijevie i ŭźniaŭ hetaje pytańnie pierad pasolstvam Rasii. Rasijskija ŭłady admaŭlajuć jakuju-niebudź datyčnaść», — skazaŭ pradstaŭnik kieńniajskaha MZS Koryr Sinhoj.