Sud «DNR» zavočna prysudziŭ bajca Pałka Kalinoŭskaha da 13,5 hoda kałonii
Viarchoŭny sud samaabvieščanaj «Danieckaj narodnaj respubliki» zavočna vynies prysud 29‑hadovamu hramadzianinu Biełarusi Kiryłu Hałavanavu. Jaho pryznali vinavatym va ŭdziele ŭ uzbrojenym kanflikcie ŭ jakaści najmita i prysudzili 13,5 hoda pazbaŭleńnia voli ŭ kałonii strohaha režymu.
Zdymak ilustracyjny. Fota: LookByMedia
Pavodle abvinavačańnia, Hałavanaŭ u sakaviku 2022 hoda praz Polšču trapiŭ va Ukrainu, dzie dobraachvotna dałučyŭsia da Pałka imia Kastusia Kalinoŭskaha, jaki ŭ «DNR» pryznany terarystyčnaj arhanizacyjaj. Paśla prachodžańnia vajskovaj padrychtoŭki jon, pavodle viersii abvinavačańnia, udzielničaŭ u bajavych dziejańniach suprać rasijskich vojskaŭ.
Taksama paviedamlajecca, što za svaju dziejnaść biełarus nibyta atrymaŭ uznaharodu ŭ pamiery bolš za 2,8 miljona rasijskich rubloŭ (kala 34 560 dalaraŭ). Hałavanaŭ abvieščany rasijanami ŭ mižnarodny vyšuk.
Čytajcie taksama:
Połk Kalinoŭskaha ŭklučyli ŭ rasijski śpis «terarystaŭ i ekstremistaŭ»
Kalinoŭcy zasnavali hramadskuju arhanizacyju i aktyvizujuć palityčnuju dziejnaść
U Kijevie raźvitalisia ź biełaruskim dobraachvotnikam «Miesiacam»
«Nie mahu prosta siadzieć i ničoha nie rabić». Hutarka z samym maładym vajarom pałka Kalinoŭskaha