Nieabyjakavyja apanienty Cichanoŭskaj źbirajucca na čarhovy schod
Paśla sustrečy ŭ Vilni źbirajucca pryniać rezalucyi i miemarandum.
Schod nieabyjakavych u Varšavie 21 červienia 2025 hoda. Skrynšot: «Jeŭraradyjo»
Apanienty Śviatłany Cichanoŭskaj kličuć na čarhovy «Schod nieabyjakavych», jaki maje prajści ŭ Vilni 21 listapada.
Zaznačajecca, što mierapryjemstva projdzie ŭ farmacie kanfierencyi z udziełam pradstaŭnikoŭ biełaruskaj apazicyi, nacyjanalna-aryjentavanych sił, vajaroŭ, a taksama hramadzianskich dziejačaŭ i pradstaŭnikoŭ dyjaspary.
Pa vynikach kanfierencyi płanujuć pryniać rezalucyi i miemarandum.
Papiaredni schod prajšoŭ u Varšavie 21 červienia 2025 hoda, udzielniki svarylisia z Franakam Viačorkam, navat stanavilisia da jaho śpinaj. Ale ŭ toj dzień była vyzvalena hrupa palitviaźniaŭ na čale ź Siarhiejem Cichanoŭskim, tamu mierapryjemstva chutka syšło z paradku dnia.