Biełarusa departujuć z Tajvania za niezakonny zbor miłaściny
Hramadzianina Biełarusi departujuć z Tajvania za parušeńnie pravił znachodžańnia ŭ krainie. Mužčyna prybyŭ u jaje pa turystyčnaj vizie i razam z rasijaninam źbiraŭ achviaravańni na vulicy, zaŭvažyła paviedamleńnie ŭ miascovaj presie Reform.news.
U pačatku listapada biełarusa i rasijanina bačyli ŭ roznych haradach Tajvania — Tajčžun, Cziai, Tajnań, Kaasiun. Na vulicy jany siadzieli z šyldaj na kitajskaj movie, dzie prasili dapamohu dla apłaty miedycynskich vydatkaŭ, adznačaŭšy patrebu ŭ 60 tysiač novych tajvańskich dalaraŭ (kala 1900 USD). Za dva tydni jany zmahli sabrać kala 7 tysiač novych tajvańskich dołaraŭ (kala 225 USD).
Paśla skarhi prachožych palicyja zatrymała mužčyn 4 listapada. Było ŭstanoŭlena, što jany pryjechali na Tajvań 27 kastryčnika pa turystyčnych vizach. Zatrymanyja patłumačyli, što nibyta źbirali hrošy na lačeńnie vyvichu ruki, atrymanaha ŭ Vjetnamie.
Mihranckaja słužba pryznała, što mužčyny parušyli praviły znachodžańnia ŭ Tajvani, u vyniku čaho pryniała rašeńnie departavać abodvuch.
Čytajcie taksama:
Hramadzianku Biełarusi aryštavali za niezakonny ŭvoz avijacyjnych składnikaŭ z ZŠA ŭ Rasiju