Biełaruski dalnabojščyk u Ispanii trapiŭ u palicyju z cełym bukietam parušeńniaŭ
U ispanskaj Sievilji palicyja zatrymała 49‑hadovaha hramadzianina Biełarusi, jaki ŭ stanie mocnaha ałkaholnaha apjanieńnia jechaŭ na hruzaviku i začapiŭ niekalki pryparkavanych aŭtamabilaŭ. Pra heta paviedamiła miascovaja słužba nadzvyčajnych situacyj, piša sajt «Biełaruś i mir».
Fota: facebook.com/emergenciassevilla
Incydent adbyŭsia na praśpiekcie Avienida-de-ła-Palmiera. Biełaruski kiroŭca, jaki kiravaŭ polskim furhonam, mieŭ uzrovień ałkaholu ŭ kryvi, što ŭ čatyry razy pieravyšaŭ dapuščalnuju normu. Akramia taho, jon doŭha zastavaŭsia za rulom biez adpačynku i navat užyvaŭ ałkahol padčas jazdy.
Vyśvietliłasia taksama, što jon pieravoziŭ ciažkaje abstalavańnie, pieravyšajučy dazvolenuju vahu dla transpartu, jaki ruchaŭsia pa centry horada.
Palicyja apłambavała hruzavik, a kiroŭcu dastaviła ŭ pastarunak. Ciapier mužčyna čakaje rašeńnia suda.
Čytajcie taksama:
Pjany biełaruski dalnabojščyk ledź nie ŭrezaŭsia ŭ handlovy centr u Polščy. Jaho departavali