DAI źbirajecca znachodzić praź videakamiery niepryšpilenych pasažyraŭ
DAI ŭ Biełarusi płanuje vykarystoŭvać kamiery videanazirańnia, kab aŭtamatyčna vyjaŭlać kiroŭcaŭ i pasažyraŭ, jakija nie pryšpilili ramiani biaśpieki. Pra heta paviedamiŭ ministr unutranych spraŭ Ivan Kubrakoŭ.
Fota ilustracyjnaje
Pavodle słoŭ Kubrakova, u krainie aktyŭna vykarystoŭvajecca respublikanskaja sistema manitorynhu hramadskaj biaśpieki, jakaja dazvalaje kantralavać darožnuju situacyju. Sistema ŭžo fiksuje pieravyšeńnie chutkaści, prajezd na čyrvonaje śviatło i inšyja parušeńni. Ciapier raspracoŭvajecca prahramnaje zabieśpiačeńnie, jakoje dazvolić vyznačać, ci pryšpilenyja ramianiami biaśpieki kiroŭca i pasažyry.
Raniej DAI prapanavała abstaloŭvać aŭtobusy sistemami videanazirańnia — jak u sałonie, tak i zvonku, kab mieć bolš infarmacyi pra situacyju na darohach. Akramia taho, testujecca funkcyja fiksacyi kiroŭcaŭ, jakija karystajucca telefonami padčas ruchu, a taksama aŭtamatyčnaje vyjaŭleńnie parušeńniaŭ pry pierasiačeńni stop-linii i prajeździe skryžavańniaŭ na čyrvonaje śviatło.
Čytajcie taksama:
Partretnaja ekśpiertyza dazvoliła vyjavić parušalnika darožnaha ruchu ŭ Breście
U Žłobinie staviać videakamiery na prypynkach, kab łavić vandałaŭ
Kamiery na darohach usio ž pačali łavić aŭto biez techahladu? Biełarus pakazaŭ, jak atrymaŭ štraf