Pucin asabista ŭručyŭ miedali Andreju Lemiašonku i ihumieńni Haŭryile

Padčas śviatkavańnia ŭ Rasii aficyjnaha Dnia narodnaha adzinstva ŭ Kramli praviali cyrymoniju ŭznaharodžańnia miedalami Puškina. Prezident Rasii Uładzimir Pucin sam uručyŭ miedali siarod inšaha kiraŭniku minskaha Śviata-Jelisaviecinskaha manastyra Andreju Lemiašonku i ihumieńni Hrodzienskaha žanočaha manastyra Rastva Baharodzicy Haŭryile (Maryi Hłuchavaj). 

Uładzimir Pucin z Andrejem Lemiašonkam. Fota: kremlin.ru

Carkoŭnych dziejačaŭ ź Biełarusi ŭznaharodzili «za vialiki ŭkład u zachavańnie i papularyzacyju ruskaj movy i kultury za miažoj».

U svajoj prynahodnaj pramovie Haŭryiła havaryła Pucinu šmat kamplimientaŭ. Pa jaje słovach, jon źjaŭlajecca «nie tolki hodnym hramadzianinam ziamnoj Ajčyny Vialikaj Rasii, ale Haspodź błasłaviŭ vas być styrnavym dziaržaŭnaha karabla, jakim vy mudra kirujecie voś užo čverć stahodździa».

Uładzimir Pucin ź ihumieńniaj Haŭryiłaj. Fota: kremlin.ru

I Lemiašonak, i Haŭryiła viadomyja jak aktyŭnyja prapahandysty idej «ruskaha śvietu» i prychilniki rasijskaj impierskaj palityki. 

Kamientary da artykuła