«Heta łaminat ci linoleum?» Što ludzi pišuć pra biełaruski mikraaŭtobus biznes-kłasa
Ludzi nie pakinuli mokraha miesca na pyšnaj zajavie MAZa.
Minski aŭtamabilny zavod i Zavod aŭtamabilnych pryčepaŭ i kuzavaŭ «MAZ-Kupava» prezientavali aŭtobus MAZ 281 pradstaŭnickaha kłasa. Videa z hetaj navinoj vyklikała burnaje abmierkavańnie ŭ tyktoku.
Najbolš łajkaŭ (amal 760) nabraŭ kamientar-pytańnie: «Heta łaminat ci linoleum?»
Ludzi ŭ adkaz žartujuć: «Linoleum 32 kłas», «Napisali ž biznes-kłas. Značyć, pavinien być parkiet)».
Inšyja vykazvajuć upeŭnienaść, što na padłozie sałona — linoleum, i nazyvajuć madel «ispanskim soramam, a nie premium-kłasam».
«Adździełać maršrutku kožzamam i paścialić linoleum ciapier ličycca luksam?» — hetaja zaŭvaha z amal 560 łajkami stała druhoj pa papularnaści.
Na linoleum źviartajuć uvahu i inšyja.
«Linoleum, surjozna? Heta ŭžo zanadta», — zaŭvažaje hladač. «Heta ž premium!» — adkazvajuć jamu.
«Cha-cha-cha. Na padłozie linoleum», — śmiajecca niechta. «I navat linoleum pad dreva», — dadaje jašče adzin.
«Linoleum na padłozie. Chmm, cikava», — žartuje jašče adzin.
Ludzi sprabujuć davieści, što skuranyja siadzieńni niazručnyja ŭletku, uličvajučy toje, što kandycyjaniery ŭ biełaruskich aŭtobusach zvyčajna pracujuć «tolki dva dni».
«Heta pipiec… Kresły stajać na taburetach. Soram. Boža moj!» — vykazvajecca jašče adzin hladač.
«Vyratavalnik — kitajski JAK»
Karystalniki taksama źviartajuć uvahu na padabienstva madeli z kitajskim mikraaŭtobusam.
«Mnie zdajecca, heta JAK z šyldaj MAZ», — zaŭvažaje niechta. Jaho zapeŭnivajuć, što tak jano i jość.
«Što ŭ im nie kitajskaje?» — pytajecca niechta. Jamu adkazvajuć: «Łahatyp MAZ!».
«Heta taksama jak z matacykłam «Minsk», ci ja pamylajusia ŭ čymści?» — zaŭvažaje niechta.
«Znoŭ kitajskaja mašyna z nalepkami MAZa?» — piša inšy.
«Ciažki luks»
«Praz 20 hadoŭ dahoniać Amieryku 80-ch» — vykazvaje ŭpeŭnienaść čytač.
Ludzi žartujuć: «Usio… Kaniec biednamu žyćciu…. Imparciory vystrojvajucca ŭ čarhu», «Niamiecki aŭtapram laža!», «Ciažki luks».
«Znoŭ pravał!!!! 10 miescaŭ — heta D-katehoryja, heta dva techahlady ŭ hod, heta płatnyja darohi, heta pavialičanaja strachoŭka, heta tachohraf i zachavańnie režymu pracy i adpačynku pry mižnarodnaj pieravozcy. Tut ci 8 miescaŭ treba było, abo tady ŭžo chacia b 15 miescaŭ», — kampietentna zaŭvažaje adzin z hledačoŭ.
Čytajcie taksama:
U Biełarusi vypuścili mikraaŭtobus biznes-kłasa FOTY
«Biełaruś źnikaje» — tyktok plujecca z nahody pierajmienavańnia prypynkaŭ
«Heta nie płoŭ, a kaša ź miasam». Biełarusy znoŭ spračajucca z-za školnaha charčavańnia