U Breście pastavili skulturu desantnika z aŭtamatam — u honar archanioła Michaiła

Na alei kavanych lichtaroŭ na vulicy Hohala ŭ Breście źjaviŭsia novy art-abjekt — skulptura desantnika z aŭtamatam. Aŭtar raboty, miascovy skulptar Mikałaj, nazvaŭ fihuru «Miša» — u honar archanioła Michaiła. Pa jaho słovach, desantnik simvalizuje niabiesnaha abaroncu ŭ sučasnym vobrazie i pavinien achoŭvać horad, piša BGMedia.

Fota: brestcity.com

Skulptar raskazaŭ, što fihura stvoranaja pavodle realnych uzoraŭ vajskovaj formy, a jaje stvareńnie zaniało amal hod. Ideja — pakazać sučasnaha bajca, jaki zamianiŭ mieč archanioła na zbroju, ale zastajecca simvałam miru i abarony.

@brestvestnik BRIEST. HOHOLA. FONAŔ. DIESANTNIK Na alleje fonariej dobavitsia jeŝio odin art-objekt. Avtor nazvał jeho Mišiej, i siejčas nanosit na skulpturu poślednije štrichi. Skoro rasskažiem počiemu etot bojec imienno Michaił i poznakomim s avtorom art-objekta. #etointieriesno#novyjartobjekt#alejafanariej#briest ♬ orihinalnyj zvuk - Brestvestnik

Paśla ŭstanoŭki skulptury ŭ internecie razharełasia dyskusija. Adnyja haradžanie padtrymali ideju, ličačy, što desantnik arhanična hladzicca ŭ Breście, dzie jość svaja čaść PDV. Inšyja ž miarkujuć, što fihura z aŭtamatam vyhladaje zanadta ahresiŭna i nie adpaviadaje atmaśfiery litaraturnaj alei, dzie bolšaść abjektaŭ pryśviečanaja hierojam z knih i kazak.

@brestvestnik Znakoḿtieś, Nikołaj - avtor novoho art-objekta na ulicie Hohola. Kak šła rabota nad kompozicijej, pri čiem zdieś ustav i počiemu bojec imienno Miša. #briest #alejafanariej #novyjartobjekt #vdv #etointieriesno ♬ orihinalnyj zvuk - Brestvestnik

Krytyki adznačajuć, što na vulicy Hohala varta raźmiaščać mastackija abo litaraturnyja vobrazy, a nie vajskovyja fihury. U jakaści alternatyvy jany prapanujuć stvaryć, naprykład, skulpturu sałdata z kazki Andersena ci hieroja z narodnych apoviedaŭ.

Aleja kavanych lichtaroŭ — adzin z samych viadomych turystyčnych abjektaŭ u Breście. Jana adkryłasia ŭ 2013 hodzie, i kožny lichtar tam — asobnaja mastackaja historyja. Z časam tut źjavilisia i inšyja abjekty, nie źviazanyja ź litaraturaj, a desantnik staŭ jašče adnym prykładam takich rabot.

Darečy, u Breście ŭžo jość pomnik, pryśviečany desantnikam. Jon byŭ ustalavany ŭ 2018 hodzie ŭ haradskim parku kultury i adpačynku i zrobleny pavodle siužetu multfilma «Desantnik Ściopačkin». Tam chłopčyk častuje vajskoŭca kašaj, a centram kampazicyi słužyć parašut.

Fota: BGMedia

Kamientary da artykuła