Pjany pastajalec minskaha chosteła źbiŭ administratara i ŭčyniŭ pahrom
23‑hadovy žychar Salihorska žyŭ u chostele na vulicy Akademika Fiodarava. Napiaredadni adjezdu jon mocna pierabraŭ z ałkaholem u načnym kłubie i pračnuŭsia ad taho, što jaho budziŭ administratar.
Pastajalec nie reahavaŭ, tamu mužčyna pahraziŭ vyklikać milicyju i dla bolšaha pierakanańnia dastaŭ z kišeni mabilny telefon, paviedamlajuć Minsk-naviny.
Ad hetaha hość raźjušyŭsia, nakinuŭsia na administratara i pačaŭ jaho źbivać. Ad rabotnika chosteła maładoha čałavieka adciahnuŭ inšy pastajalec.
Administratar vybieh na vulicu i patelefanavaŭ u milicyju. Nieŭzabavie na hanku źjaviŭsia debašyr, padyšoŭ da jaho i praciahnuŭ źbivać. Usiaho jon nanios administrataru nie mienš za 52 ŭdary rukami i nahami pa hałavie i ciele.
Mužčynie znoŭ udałosia ŭciačy, jon zakryŭsia ŭ adnym z pakojaŭ. Złačynca pajšoŭ za im i pačaŭ łamać dźviery, jakija ŭ vyniku paškodziŭ. Taksama jon pierakuliŭ stojku na resiepšenie, raźbiŭ noŭtbuk, źniščyŭ kamplekt paścielnaj bializny, ručnik i viešałku. Ahulnaja suma naniesienaj škody skłała 1600 rubloŭ.
Narad milicyi, jaki prybyŭ na miesca, zatrymaŭ pjanaha chulihana, zaviali kryminalnuju spravu. Usie dziejańni mužčyny zafiksavali kamiery videanazirańnia. Paciarpiełaha adviezła ŭ balnicu bryhada chutkaj miedycynskaj dapamohi.
U sudovym pasiadžeńni vinu hramadzianin pryznaŭ častkova, u zroblenym raskajaŭsia, naniesienuju škodu na sumu 500 rubloŭ kampiensavaŭ.
U vyniku jon atrymaŭ čatyry hady chimii, a taksama pavinien kampiensavać naniesienuju škodu, a taksama vypłacić na karyść paciarpiełaha 8 tys. rubloŭ maralnaj škody.