Pad Kobrynam pastavili pomnik čałavieku, jaki nijak nie źviazany ź Biełaruśsiu. Vierahodna, heta «adkaz» Ukrainie
Niadaŭna na pamiežnaj zastavie «Dzivin» (Kobrynski rajon) adkryli pomnik-biust hieroju Savieckaha Sajuza, uradžencu Rasii Alaksieju Łapacinu, jaki zahinuŭ u 1941-m, piša Biełaruski instytut publičnaj historyi.
Fota: Dziaržaŭny pamiežny kamitet
Kiraŭnik Dziaržpahrankamiteta Kanstancin Mołastaŭ pry adkryćci pomnika zajaviŭ:
«My siońnia adnaŭlajem histaryčnuju spraviadlivaść, zachoŭvajučy pamiać pra lehiendarnaha načalnika 13‑j zastavy 90‑ha Uładzimir-Vałynskaha atrada NKUS».
Syn pamiežnika Viačasłaŭ Łapacin vykazaŭ padziaku Łukašenku: u 2024‑m jaho ŭkazam zastavie na miažy z Ukrainaj było prysvojena imia Alaksieja Łapacina.
Vierahodna, adkryćcio pomnika stała svojeasablivym adkazam Ukrainie. U 2022‑m bresckaja abłasnaja hazieta «Zaria» pisała:
«Vulicy Łapacina ŭ Lvovie bolš niama… Nie isnuje bolš i zhadanaja imiannaja zastava — pieradysłakavanaja na dziasiatki kiłamietraŭ uhłyb Vałynskaj vobłaści, ciapier viadomaja pad nazvaj «Paŭłavičy».
Pra toje, što praź biełaruskuju miažu ŭ 2022‑m rasijskija vojski napali na Ukrainu, siłaviki ličać za lepšaje nie zhadvać.
Čytajcie taksama:
Na Uschodnich mohiłkach adkryli nadmahilny pomnik Źmitraku Biadulu
U Rasii adkryli pomnik «Matarołu»
U centry Homiela rasijanie pastaviać pomnik kniaziu Paskieviču
U minskim parku źjavilisia niezvyčajnyja skulptury z dreva i mietału FOTY