U Smalavičach budujuć škołu z fasadami ŭ styli karcin Maleviča FOTY
Na paŭnočnym zachadzie Smalavič uzvodziać novuju škołu, fasady jakoj aformlenyja ŭ styli karcin Kazimira Maleviča. Jak paviedamili ŭ telehram-kanale «Minskbuda», da paharšeńnia nadvorja budaŭniki paśpieli zakryć kontur budynka i amal skončyli raboty pa azdableńni fasada.
Fota: t.me/minskstroybelarus
Architektary stvaryli dyzajn, natchniony tvorami viadomaha mastaka: biełyja i šeryja ścieny ŭpryhožanyja elemientami čyrvonaha i žoŭtaha koleraŭ.
Fota: t.me/minskstroybelarus
Pobač sa škołaj uzvodziać vialiki spartyŭny kompleks. Tam užo naniesienaja raźmietka dla biehavych darožak i placovak dla valejboła, baskietboła i mini-futboła. Taksama vykładzienyja tratuarnyja ściežki i śpiecyjalnyja pakryćci dla zaniatkaŭ sportam.
Fota: t.me/minskstroybelarus
Paśla adkryćcia škoła zmoža pryniać kala 1020 vučniaŭ. Choć unutranyja raboty jašče praciahvajucca, viadoma, što ŭvieści ŭstanovu ŭ ekspłuatacyju płanujuć u 2026 hodzie.