Listapad abjavili miesiacam palaŭničaha turyzmu

Listapad u Biełarusi abjaŭleny miesiacam palaŭničaha turyzmu, paviedamili ŭ Nacyjanalnym ahienctvie pa turyźmie. Havorka idzie pra start maštabnaj prahramy mierapryjemstvaŭ, zaklikanych prademanstravać unikalnaść hetaha vidu turyzmu i jaho značny ŭkład u ekanomiku rehijonaŭ.

Fota: Biełaruskaje tavarystva palaŭničych i rybałovaŭ

U ahienctvie padkreślili, što dla praviadzieńnia miesiaca palaŭničaha turyzmu raspracavany i zaćvierdžany płan mierapryjemstvaŭ. Jon uklučaje praviadzieńnie pres-kanfierencyj dla ŚMI, sieminaraŭ dla śpiecyjalistaŭ turbiznesu, arhanizacyju kruhłych stałoŭ z udziełam pradstaŭnikoŭ ułady, biznesu i hramadskich arhanizacyj, udzieł u mižnarodnych turystyčnych vystavach, a taksama konkursy na lepšyja fota– i videaroliki i dni adčynienych dźviarej u palaŭničych haspadarkach i na bazach adpačynku.

Paviedamlajecca, što ŭ Biełarusi stvoranyja ŭsie ŭmovy dla kamfortnaha i biaśpiečnaha palaŭničaha adpačynku. Hetamu spryjajuć bahataja faŭna (łoś, dzik, aleń, kazula, lisa, zajac, vaviorka i inšyja žyvioły zabiaśpiečvajuć zajmalnaje palavańnie), raznastajnyja ŭhodździ (ad šyrakalistych lasoŭ da bałot i račnych dalin) i raźvitaja infrastruktura z šmatlikimi palaŭničymi haspadarkami i bazami adpačynku, jakija prapanujuć kamfortnaje pražyvańnie i charčavańnie.

Kamientary da artykuła