U centry Ryma dvojčy abvaliłasia histaryčnaja vieža Konci
Častka viežy Tore-dei-Konci XII stahodździa na płoščy Łarha Karada Ryčy razburyłasia padčas restaŭracyi. Čaćviora rabočych zachraśli na vierchniaj častcy budynka, ratavalniki pačali pošuk ludziej pad zavałami. Praz paŭtary hadziny adbyŭsia druhi abvał, pravaachoŭnikam daviałosia pašyryć zonu ačapleńnia.
Fota: AP Photo / Domenico Stinellis
Na hety momant viadoma pra čatyroch paciarpiełych.
Z-pad zavałaŭ ratavalniki dastali traich rabočych. Dvum akazali dapamohu na miescy, 64‑hadovaha mužčynu advieźli ŭ balnicu ŭ ciažkim stanie. Jašče adzin rabočy, jaki, jak miarkujecca, znachodzicca pad zavałami, padaje prykmiety žyćcia.
Ruch na prylehłych vulicach pierakryty. Prakuratura Ryma pačała rasśledavańnie. Siarod mahčymych pryčyn abvału razhladajecca razbureńnie apornych kanstrukcyj.
Čytajcie taksama:
U Efiopii abrynulisia budaŭničyja ryštavańni, kolkaść zahinułych idzie na dziasiatki