Chakiery vykarystoŭvali ŭ jakaści prynady biełaruski vajskovy dakumient

Łabaratoryja Cyble u kastryčniku vyjaviła rassyłku, u jakoj chakiery dla zaražeńnia kamputaraŭ vykarystoŭvali ZIP-archiŭ vajskovaha pryznačeńnia. U jakaści prynady jany vykarystoŭvali biełaruski vajskovy dakumient «TŁH na ubytije na pieriepodhotovku.pdf», zaŭvažyła Reform.news.

U dakumiencie ŭtrymlivajecca zahad adkamandziravać vajskoŭcaŭ dla prachodžańnia padrychtoŭki pa kiravańni bieśpiłotnikami multyrotarnaha typu ŭ vajskovaj čaści, dysłakavanaj u Marjinaj Horcy.

Ekśpierty ŭ halinie kibierbiaśpieki z Cyble adznačyli padabienstva stratehii ataki z atakaj Army+, jakaja mieła miesca letaś u śniežni, była skiravanaja suprać Ukrainy i źviazanaja z Rasijaj. Razam z tym pakul u Cyble nie mohuć dakładna atrybutavać ataku.

«Uličvajučy krynicu i farmuloŭki, na hetym etapie niezrazumieła i małavierahodna, što hetaja ataka skiravanaja suprać Rasii abo Biełarusi. Hruntujučysia na taktyčnych schiemach, pierakryćci infrastruktury i jaje raźvićci ŭ paraŭnańni z kampanijaj Army+ ad śniežnia 2024 hoda, jana demanstruje pastajannaje ŭdaskanaleńnie pravieranych mietadaŭ, jakija vykarystoŭvajucca Sandworm. Pastajannyja ataki na vajskovyja padraździaleńni taksama adpaviadajuć hetaj kampanii», — havorycca ŭ paviedamleńni.

Seqrite taksama piša pra ataku SkyCloak. Resurs pryvodzić jašče adzin list, ale ŭžo adrasavany rasijskim vajskoŭcam — pradstaŭleńnie vajskoŭcaŭ ab pryznačeńni na novuju pasadu i pieravodach.

«Miarkujučy pa najaŭnych danych, hetaja kampanija, vidać, uzhadniajecca sa špijonskaj dziejnaściu, źviazanaj z Uschodniaj Jeŭropaj i nakiravanaj suprać abaronnaha i dziaržaŭnaha siektaraŭ, choć dakładnaść atrybucyi ŭ paraŭnańni z raniej zadakumientavanymi apieracyjami zastajecca nizkaj», — havorycca ŭ publikacyi.

Kamientary da artykuła