Dzieviaci žycharam Vaŭkavyska pryznačyli kałoniju i bujnyja štrafy pavodle spravy dvarovych čataŭ
Šeść žančyn i troch mužčyn abvinavacili va «ŭdziele ŭ ekstremisckim farmavańni».
U Hrodzienskim abłasnym sudzie asudzili dzieviać žycharoŭ Vaŭkavysku pavodle tak zvanaj spravy dvarovych čataŭ, piša «Viasna».
Šeść žančyn i troch mužčyn abvinavacili va «ŭdziele ŭ ekstremisckim farmavańni» (č. 3 art. 361‑1 KK) i pryznačyli kałoniju i štrafy pa 800 bazavych vieličyniaŭ (33 600 rubloŭ) kožnamu.
Taki žorstki prysud Zinaida Barcevič vyniesła za ŭdzieł žycharoŭ Vaŭkavysku ŭ dvarovym telehram-čacie «Volnyja vaŭki». Fihuranty spravy ŭtrymlivajucca pad vartaj z kanca kastryčnika 2024 hoda.
Ahułam Lilii Juruć, Ludmile Šrubok, Volzie Prakopčyk, Alenie Žukavaj, Irynie Dabrynovič, Viktaru Turčeniku, Natalli Kraŭčuk, Illu Chodasu i Vitalu Cynkielu pryznačyli 23 hady i try miesiacy źniavoleńnia, a taksama štraf u pamiery 302 400 rubloŭ (prykładna 77 200 jeŭra).