Tramp pierarabiŭ histaryčny vanny pakoj Linkalna ŭ Biełym domie FOTY
Zamiest zialonaj plitki — čorna-bieły marmur.
Tak vanny pakoj vyhladaŭ raniej. Fota tut i dalej: realDonaldTrump / Truth Social
Prezident ZŠA Donald Tramp pierarabiŭ histaryčny vanny pakoj Linkalna.
A tak źmianiłasia ciapier
«Ja adramantavaŭ vanny pakoj Linkalna ŭ Biełym domie. U 1940‑ch hadach jon byŭ azdobleny zialonaj plitkaj u styli ar-deko, što zusim nie adpaviadała eposie Linkalna. Ja azdobiŭ jaho čornym i biełym paliravanym skulpturnym marmuram. Heta było vielmi darečy ŭ časy Abrahama Linkalna i, pa sutnaści, mahło być tym marmuram, jaki pieršapačatkova byŭ tam!», — napisaŭ Tramp u sacsietcy Truth Social i vykłaŭ fota vannaha pakoja.
Apošnim, chto pierarablaŭ hety pakoj, byŭ były prezident ZŠA Hary Trumen, jon adramantavaŭ vannuju ŭ 1945 hodzie. Abraham Linkaln karystaŭsia hetym pamiaškańniem u 1861‑1865 hadach.
Heta nie adziny ramont u Biełym domie, jaki zrabiŭ Tramp.
Niadaŭna źnieśli ŭschodniaje kryło Biełaha doma dla budaŭnictva novaj balnaj zały koštam 300 miljonaŭ dalaraŭ. Vydatki pakryvajucca pryvatnymi donarami. Heta vyklikała sprečki.