U Danieckaj vobłaści ŭkrainski śpiecnaz pravioŭ šturm. Siarod zabitych rasijskich najmitaŭ byli i biełarusy
Śpiecnazaŭcy padraździaleńnia «Dazor» Dziaržaŭnaj pamiežnaj słužby Ukrainy praviali rejd i šturm u Danieckaj vobłaści. Jany pakazali bajavyja kadry.
Dakumienty i technika, znojdzienyja ŭ zabitych sałdat rasijskaj armii. Skrynšot: DPSU
U vyniku boju zabili 13 sałdat rasijskaj armii. U ich znajšli jak rasijskija, tak i biełaruskija pašparty.
Akramia taho, ukrainskija aeraraźviedčyki z dapamohaj ciažkich dronaŭ-bombieraŭ pacelili ŭ jašče piaciarych i paranili šaściarych rasijskich sałdat.
Apieracyja pravodziłasia va ŭzajemadziejańni z padraździaleńniami 3‑ha armiejskaha korpusa i śpiecpadraździaleńniem «Artan» HUR.