Pieršy tydzień listapada budzie ciopłym, ale daždžlivym
Sinoptyk Dźmitryj Rabaŭ u efiry ANT pradkazaŭ, što z 3 pa 9 listapada nadvorje ŭ Biełarusi budzie niezvyčajna ciopłym dla poźniaj vosieni: siaredniaja tempieratura ŭ načny čas budzie vyšejšaj za klimatyčnuju normu na 5 hradusaŭ. Zamarazkaŭ i mokraha śniehu čakać nie varta, ale zatoje abaviazkova spatrebiacca parasony.
Fota ilustracyjnaje
U pačatku tydnia nadvorje vyznačać vilhotnyja pavietranyja masy: vobłačna z prajaśnieńniami, mahčymyja karotkačasovyja daždžy i lohki tuman unačy i ranicaj. Dzionnaja tempieratura składzie +8…+13 °S, nočču budzie +3…+9 °S.
Bližej da siaredziny tydnia Biełaruś apyniecca pad upłyvam vobłaści vysokaha atmaśfiernaha cisku: daždžy buduć iści radziej, zachavajecca tuman unačy i ranicaj. Dzionnaja tempieratura — 10—13 °S, nočču +2…+7 °S. U čaćvier i piatnicu asablivych źmien nie budzie: nočču +3…+8 °S, dzionnaja tempieratura da +13 °S.
Na vychadnych čakajucca miescami nievialikija daždžy i tuman unačy i ranicaj, bačnaść da 500 mietraŭ. Dzionnaja tempieratura składzie +8…+11 °S, nočču +3…+7 °S.