Stała viadoma pra vyzvaleńnie dvuch palitviaźniaŭ sa Žłobina
Pravaabaroncy z «Homielskaj viasny» paviedamlajuć, što paśla zakančeńnia terminaŭ źniavoleńnia vyzvalilisia dva palityčnyja źniavolenyja sa Žłobina, represavanyja ŭ 2023 hodzie za ŭdzieł u mirnych pratestach.
31 sakavika 2023 hoda sud Žłobinskaha rajona pryznaŭ Uładzisłava Bochana vinavatym pa častcy 1 artykuła 342 Kryminalnaha kodeksa (arhanizacyja i ŭdzieł u dziejańniach, jakija parušajuć hramadski paradak) i prysudziŭ jamu paŭtara hoda abmiežavańnia voli va ŭstanovie adkrytaha typu № 36 u Miensku. Jon vyjšaŭ na volu 11 lutaha 2025 hoda.
Pa toj ža spravie pa artykule 342 KK byŭ asudžany Juryj Łaviecki. 15 vieraśnia 2023 hoda sudździa Jaŭhien Jerafiejeŭ prysudziŭ jamu paŭtara hoda abmiežavańnia voli va ŭstanovie adkrytaha typu № 45 u vioscy Suški Bieraściejskaj vobłaści. Juryj vyjšaŭ na volu 24 lipienia 2025 hoda.