Andrej Miezin uznačaliŭ chakiejny kłub
Lehiendarny biełaruski hałkipier pryznačany v.a. hałoŭnaha treniera salihorskaha «Šachciora», paviedamlaje aficyjny sajt kłuba.
Pressball.by
Miezin źmianiŭ na hetaj pasadzie Paŭła Pierapiochina. Siońnia «Šachcior» zhulaje z haradzienskim «Niomanam».
U biełaruskaj «Ekstralizie» salihorski kłub idzie na čaćviertym miescy z 28 bałami, adstajučy ad minskaha «Junactva» na šeść bałaŭ.
Andrej Miezin — lehiendarny biełaruski varatar, jon naradziŭsia ŭ rasijskim Čalabinsku, ale hulaŭ za navapołacki «Chimik», minskaje «Dynama», šerah niamieckich i amierykanskich minornych kłubaŭ.
Za zbornuju Biełarusi hulaŭ z 1996 pa 2014 hod, udzielnik niekalkich čempijanataŭ śvietu i Alimpijady ŭ 1998, 2002 i 2010 hadach. Mieŭ mianušku Skała.
Paśla zakančeńnia karjery hulca byŭ asistentam treniera ŭ zbornaj Biełarusi i čalabinskim «Traktary», trenieram hałkipieraŭ u minskim «Dynama».