Андрэй Мезін узначаліў хакейны клуб
Легендарны беларускі галкіпер прызначаны в.а. галоўнага трэнера салігорскага «Шахцёра», паведамляе афіцыйны сайт клуба.
Pressball.by
Мезін змяніў на гэтай пасадзе Паўла Перапёхіна. Сёння «Шахцёр» згуляе з гарадзенскім «Нёманам».
У беларускай «Экстралізе» салігорскі клуб ідзе на чацвертым месцы з 28 баламі, адстаючы ад мінскага «Юнацтва» на шэсць балаў.
Андрэй Мезін — легендарны беларускі варатар, ён нарадзіўся ў расійскім Чалябінску, але гуляў за наваполацкі «Хімік», мінскае «Дынама», шэраг нямецкіх і амерыканскіх мінорных клубаў.
За зборную Беларусі гуляў з 1996 па 2014 год, удзельнік некалькіх чэмпіянатаў свету і Алімпіяды ў 1998, 2002 і 2010 гадах. Меў мянушку Скала.
Пасля заканчэння кар'еры гульца быў асістэнтам трэнера ў зборнай Беларусі і чалябінскім «Трактары», трэнерам галкіпераў у мінскім «Дынама».