Madura paprasiŭ u Pucina vajskovaj dapamohi

Kiraŭnik Vieniesueły Nikałas Madura napisaŭ list z prośbaj da Rasii ab pastaŭkach rakiet, radaraŭ i madernizavanych samalotaŭ na fonie naroščvańnia amierykanskich sił u Karybskim rehijonie. Pra heta piša The Washington Post sa spasyłkaj na ŭnutranyja dakumienty amierykanskaha ŭrada.

Nikałas Madura. Fota: AP Photo/Matias Delacroix

Zhodna z dakumientami, što apublikavała The Washington Post, Vieniesueła źviartałasia pa vajskovuju dapamohu nie tolki da Rasii, ale i da Kitaja dy Irana.

Paviedamlajecca, što ŭ siaredzinie kastryčnika ministr transpartu Vieniesueły Ramon Sieleścina Viełaskies naviedaŭ Maskvu, dzie sustreŭsia sa svaim rasijskim kaleham i pieradaŭ jamu list ad prezidenta Nikałasa Madura da kiraŭnika Rasii. U hetym liście Madura nibyta prasiŭ dapamohi va ŭmacavańni sistemy supraćpavietranaj abarony, u tym liku ŭ ramoncie niekalkich źniščalnikaŭ Su-20MK2, nabytych raniej u Rasii.

Akramia taho, jon prasiŭ dapamahčy z ramontam vaśmi ruchavikoŭ i piaci radaraŭ, a taksama pradać Vieniesuele rasijskija bajavyja rakiety i akazać «łahistyčnuju padtrymku». Madura padkreśliŭ, što samaloty «Su» źjaŭlajucca «najvažniejšaj strymlivajučaj siłaj u vypadku vajny».

Pavodle dakumientaŭ, vieniesuelski lidar taksama prasiŭ trochhadovaje finansavańnie praz «Rastech», adnak suma nie ŭdakładniajecca. Nieviadoma i toje, ci atrymaŭ Madura adkaz na svaju prośbu.

Kamientary da artykuła