Ci abaviazkova, kab na cyrymonii rehistracyi šlubu prysutničali śviedki?

Pavodle Kodeksa Respubliki Biełaruś ab šlubie i siamji, śviedki pry dziaržaŭnaj rehistracyi šlubu nie źjaŭlajucca abaviazkovymi. Heta značyć, što maładyja mohuć aficyjna zarehistravać svoj šlub u zahsie biez prysutnaści inšych asob — dastatkova tolki ich uzajemnaj zhody i dakumientaŭ, jakija paćviardžajuć asobu, nahadvaje Hałoŭnaje ŭpraŭleńnie justycyi Homielskaha abłvykankama.

Fota ilustracyjnaje

Takoje novaŭviadzieńnie dziejničaje z 1999 hoda, kali patrabavańnie ab abaviazkovaj prysutnaści śviedkaŭ było admieniena. Raniej śviedki pavinny byli paćviardžać fakt zaklučeńnia šlubu i, tak by mović, «zaśviedčvać» šlubnuju paru pierad hramadstvam. Ale paśla źmienaŭ u zakanadaŭstvie dziaržava zrabiła akcent na tym, što šlub — heta asabistaja sprava dvuch ludziej. Jon pavinien budavacca na dobraachvotnaj zhodzie, kachańni i ŭzajemnaj adkaznaści samich muža i žonki, a nie na prysutnaści śviedkaŭ.

U vyniku rehistracyja šlubu stała praściejšaj i bolš asabistaj praceduraj. Tym nie mienš, tradycyja zaprašać śviedkaŭ nie źnikła. Jana prosta pierajšła ŭ razrad dobraachvotnych zvyčajaŭ.

Siońnia rolu śviedkaŭ možna nazvać simvaličnaj: jany nie majuć jurydyčnych abaviazkaŭ, ale padtrymlivajuć maładych maralna, dapamahajuć u padrychtoŭcy i arhanizacyi ŭračystaści, trymajuć bukiety, piarścionki, dapamahajuć u fotasiesii i prosta stvarajuć śviatočnuju atmaśfieru.

Kamientary da artykuła