Łukašenka zajaviŭ, što chutka śmiardziučaja Jeŭropa budzie płacić Biełarusi za čystaje pavietra
Nie daloki toj čas, kali Jeŭropa budzie płacić Biełarusi za čystaje śviežaje pavietra, jakoje ŭtvarajecca ad źbierahajemych u krainie lasoŭ i bałot, zajaviŭ Alaksandr Łukašenka padčas naviedvańnia Biarezinskaha bijaśfiernaha zapaviednika, piša BiełTA.
Fota: Evgenia Novozhenina Pool Photo via AP
«Heta — budučynia, my heta pavinny źbierahčy. I nastanie toj čas, kali hetaja śmiardziučaja Jeŭropa budzie nam płacić za toje, što my bieražom toje, što dastałosia nam ad boha», — skazaŭ jon.
Jon adznačyŭ, što ŭ ES usiaho hetaha praktyčna niama, a viecier usio heta dabro ŭ vyhladzie čystaha pavietra niasie tudy.
«Jany zamiest taho, kab płacić, pačynajuć nas dušyć sankcyjami. Heta projdzie. Užo prachodzić. Dumaju, nie daloki toj čas, kali jany buduć za heta płacić nam», — skazaŭ Alaksandr Łukašenka.