Abnoŭleny most praz Prypiać u Mazyry zaśviaciŭsia ŭnačy. Jaho praviarajuć na tryvałaść
29 kastryčnika śpiecyjalisty Biełaruskaha darožnaha navukova-daśledčaha instytuta pačali testavać mazyrski most praz Prypiać, jaki zaraz znachodzicca na rekanstrukcyi. Maštabny ramont pačaŭsia tut u listapadzie 2023 hoda, pišuć «Mocnyja naviny».
Dla abśledavańnia ŭstanavili prybory dla statyčnych vyprabavańniaŭ aračnaj pralotnaj budovy, pojmavych žalezabietonnych pralotaŭ i inšych siehmientaŭ. Dla pravierki vykarystoŭvali čatyry MAZy, kožny vahoj 33 tony. Ahułam nahruzka składała 133 tony.
Papiarednie, most pracuje jak śled — pa raźlikach prajekta rekanstrukcyi. Kančatkovaje zaklučeńnie ekśpiertaŭ čakajecca na nastupnym tydni.
Ciapier tut praciahvajecca ŭparadkavańnie, układvajucca asfaltabieton i tratuarnaja plitka, idzie ŭstanoŭka aharodžy i naładžvajecca aśviatleńnie.
Uvod abjekta ŭ ekspłuatacyju zapłanavany na pačatak listapada.
Čytajcie taksama:
U Mazyry adkryjuć paśla rekanstrukcyi most praz Prypiać
Jak vyhladaje ŭ Mazyry most praz Prypiać, budaŭnictva jakoha zaviaršajecca FOTY
Adzin z najdaŭžejšych biełaruskich mastoŭ adkryjuć 7 listapada