U Śviackim pałacy raskryli halereju partretaŭ rymskich impierataraŭ. Jany byli schavanyja ad vačej bolš za stahodździe
U čas restaŭracyi ŭ pałacy Vałovičaŭ u Śviacku (Hrodzienski rajon) pad niekalkimi słajami paźniejšaj tynkoŭki restaŭratary vyjavili halereju partretaŭ rymskich impierataraŭ, vykananuju ŭ XVIII stahodździ majstrami jeŭrapiejskaha ŭzroŭniu.
Adzin z partretaŭ rymskich impierataraŭ, raskrytych u adnajmiennaj zale Śviackaha pałaca ŭ čas restaŭracyi. Fota: Puł 4 Riehion
Pavodle słoŭ dyrektara dyzajn-studyi «Palmieta» Ihara Haniajeva, znojdzieny žyvapis u zale rymskich impierataraŭ pakazvaje vydatnuju prapracoŭku drobnych detalaŭ, takich jak bliki, vočy, vusny, barody i łaŭrovyja vianki na hałovach antyčnych kiraŭnikoŭ, što śviedčyć pra vysokuju jakaść i prafiesijanalizm aŭtara.
«Heta histaryčny žyvapis u technicy hryzajl z najdrabniejšaj prapracoŭkaj detalaŭ. Heta aŭtarski žyvapis najvyšejšaha jeŭrapiejskaha i suśvietnaha ŭzroŭniu — biez sumnieńniaŭ i bieź pierabolšańniaŭ», — adznačyŭ Haniajeŭ.
Adzin z partretaŭ rymskich impierataraŭ, raskrytych u adnajmiennaj zale Śviackaha pałaca ŭ čas restaŭracyi. Fota: Puł 4 Riehion
Adzin z partretaŭ rymskich impierataraŭ, raskrytych u adnajmiennaj zale Śviackaha pałaca ŭ čas restaŭracyi. Fota: Puł 4 Riehion
Žanočy partret, raskryty ŭ zale rymskich impierataraŭ Śviackaha pałaca ŭ čas restaŭracyi. Fota: Puł 4 Riehion
Partrety bolš za sto hadoŭ zastavalisia schavanymi pad płastami hruntu, farby i pabiełak, pakul ich nie znajšli padčas restaŭracyjnych rabot, jakija praciahvajucca ŭ pałacy.
«My adkryli sapraŭdy vialikija tvory. Heta nie tolki dla Hrodzienščyny, ale i dla ŭsioj krainy vielmi značnaja padzieja», — padkreśliŭ śpiecyjalist.
Adzin z partretaŭ rymskich impierataraŭ, raskrytych u adnajmiennaj zale Śviackaha pałaca ŭ čas restaŭracyi. Fota: Puł 4 Riehion
Praces restaŭracyi halerei partretaŭ rymskim impierataraŭ u adnajmiennaj zale Śviackaha pałaca. Fota: Puł 4 Riehion
Akramia zały rymskich impierataraŭ, pracy taksama iduć u zale №6, piejzažnym zale i na paradnaj leśvicy. Jak paviedamlaŭ namieśnik kiraŭnika Hrodzienskaj vobłaści Andrej Žuk, va ŭsich hetych pamiaškańniach byli znojdzieny prykłady žyvapisu XVIII stahodździa, vykananyja tempiernaj farbaj pa tynku.
Partrety rymskich impierataraŭ na restaŭracyjnych płanšetach. Fota: Puł 4 Riehion
Płanšety, jakija pakazvajuć bahaćcie histaryčnych razmalovak u interjerach Śviackaha pałaca. Fota: Puł 4 Riehion