Čyhunačny maršrut ź Viciebska ŭ Smalensk bieź pierasadak zapuściać u śniežni
Pa słovach hubiernatara Smalenskaj vobłaści Vasila Anochina, pramy bieśpierasadačny ciahnik ź Viciebska da Smalenska płanujuć zapuścić u śniežni, piša Blizko.by.
Fota ilustracyjnaje
Pa słovach rasijskaha čynoŭnika, raniej pamiž Viciebskam i Smalenskam užo kursavali ciahniki, ale ź pierasadkami, što stvarała niazručnaści dla pasažyraŭ. Ciapier ža častku vydatkaŭ kampiensujuć ź biudžetu «Sajuznaj dziaržavy», što dazvolić arhanizavać pramyja dyziel-ciahniki Viciebsk — Smalensk.
Pusk novaha maršrutu płanujecca ŭ śniežni — studzieni, kali techničnaja padrychtoŭka da hetaha zavieršycca paśpiachova.
Jak adznačyŭ Anochin, analiz pakazaŭ, što bolš ludziej jeździć sa Smalenska ŭ Viciebsk, čym naadvarot. Asnoŭnyja pryčyny — pakupki biełaruskich tavaraŭ, azdaraŭleńnie i miedycynskija pasłuhi.
Nahadajem, što čyhunačny ruch pamiž Smalenskam i Viciebskam, a taksama pamiž Smalenskam i Oršaj, byŭ adnoŭleny jašče ŭ žniŭni 2024 hoda, ale tolki ź pierasadkami (Viciebsk — Zavolša — Smalensk, Orša — Asinaŭka — Smalensk).
Čytajcie taksama:
Pamiž Viciebskam i Smalenskam znoŭ pačnie chadzić pramy dyzielny ciahnik
Načny ciahnik Viciebsk — Smalensk puściać źmienienym maršrutam