U Homieli piensijanier adhaniaŭ na plažy kamaroŭ i trapiŭ pad sud
Reč u tym, što rabiŭ jon heta pałavym orhanam, źviarnuŭšy na siabie ŭvahu adpačyvalnikaŭ. Na zaŭvahi 66‑hadovy mužčyna nie reahavaŭ, tamu tyja vyklikali milicyju, piša belkagomel.by.
Ilustracyjny zdymak
Zdareńnie adbyłosia na voziery ŭ rajonie vulicy Śvirydava ŭ vieraśni, kali jašče było ciopła. Piensijanier pryjšoŭ na plaž, raspranuŭsia da bializny, a potym spuściŭ i trusy. Na ščaście, pobač nie było dziaciej.
Na dziŭnyja pavodziny piensijaniera źviarnuli ŭvahu naviedvalnicy plažu i aŭtamabilist, jaki prajazdžaŭ mima. Pavodle ich słoŭ, mužčyna pastajanna kruciŭ hałavoj z boku ŭ bok i cierabiŭ pałavy orhan.
Milicyjanieram, jakija prybyli pa vykliku, jon skazaŭ, što adhaniaŭ kamaroŭ.
«Haradžanin u vyniku pryznaŭ, što pavodziŭ siabie nieprystojna i prajaviŭ niepavahu da hramadstva. U dačynieńni da mužčyny zaviedziena kryminalnaja sprava za chulihanstva, jakuju nieŭzabavie razhledzić sud. Maksimalnaje pakarańnie pa hetym artykule — pazbaŭleńnie voli da troch hadoŭ. Raniej u pole zroku pravaachoŭnych orhanaŭ piensijanier nie traplaŭ», — paviedamili padrabiaznaści ŭ prakuratury horada.