Syrski: Situacyja ŭ Pakroŭsku składanaja
Hałoŭnakamandujučy Uzbrojenymi siłami Ukrainy Alaksandr Syrski naviedaŭ rajon Pakroŭska i Mirnahrada, jakija zaraz źjaŭlajucca hałoŭnymi metami nastupalnaj kampanii rasijskich vojskaŭ. Syrski pryznaŭ, što situacyja ŭ rajonie składanaja.
Bajcy Nacyjanalnaj hvardyi Ukrainy z 3‑j bryhady «Spartan» rychtujuć da palotu BPŁA «Pinhvin» kala linii frontu na Pakroŭskim kirunku. Fota: Evgeniy Maloletka / AP
«Situacyja składanaja, ale zajaŭleńni rasijskaj prapahandy pra nibyta «błakavańnie» Sił abarony Ukrainy ŭ Pakroŭsku, jak i ŭ Kupiansku, nie adpaviadajuć rečaisnaści», — zajaviŭ jon.
Pa jaho słovach, u Pakroŭsku rasijskaja piachota, «paźbiahajučy bajavych sutyknieńniaŭ, zasiarodžvajecca ŭ haradskoj zabudovie, mianiaje miescy znachodžańnia, tamu pieršačarhovaja zadača — vyjavić jaje i źniščyć».
Maps.google.com
«Pracujem nad uzmacnieńniem ustojlivaści abarony na pakroŭskim napramku. Tut važnyja: jakasnaje ŭzajemadziejańnie pamiž padraździaleńniami, zabieśpiačeńnie ich usim nieabchodnym, u tym liku ŭ adpaviednaści z dadatkovymi patrebami; dakładnaje i skaardynavanaje vykanańnie pastaŭlenych zadač. Kožny kamandzir, niezaležna ad uzroŭniu, pavinien arhanizavać jakasnaje vykanańnie zadač. Stroha papiaredziŭ kamandziraŭ ab niedapuščeńni biezadkaznaści. Za heta budu prymać žorstkija miery, da źniaćcia z pasad», — dadaŭ hałoŭnakamandujučy.