Rasijski vajskoviec zabiŭ žychara Biełharadskaj vobłaści i zhvałciŭ jaho žonku
Heta adbyłosia, kali sužency spali ŭ siabie doma.
Śledčy kamitet RF paviedamiŭ pra zatrymańnie radavoha Uzbrojenych sił Rasii Alaksieja Kastrykina pa spravie ab zabojstvie i zhvałtavańni ŭ Biełharadskaj vobłaści, u pasiołku Novaja Tavałžanka.
Pavodle śledstva, vajskoviec uvarvaŭsia ŭ dom miascovaha žychara, zabiŭ jaho i zhvałciŭ jaho žonku.
Pieršym pra zabojstva paviedamiła miascovaje vydańnie «Piepieł». Pavodle ich infarmacyi, vajskoviec uvarvaŭsia ŭ dom, pakul haspadary spali. Zabitym akazaŭsia 56‑hadovy supracoŭnik bujnoha šabiekinskaha pradpryjemstva pa imieni Siarhiej. Jaho žonka, jakuju zhvałcili, pracuje nastaŭnicaj u škole.
Vydańnie «Piepieł» śćviardžaje, što Kastrykin dziejničaŭ nie adzin — zhvałtavańnie było hrupavym, i ŭ zabojstvie taksama ŭdzielničali niekalki vajskoŭcaŭ. Adnak astatnija ŭdzielniki złačynstvaŭ na dadzieny momant nie zatrymanyja.