Amal Nieapal. U Słucku śmietnicy pierapoŭnienyja, ale ich nie prybirajuć
Takaja karcina nazirajecca z kanca minułaha tydnia.
Slutsk-gorod.by
Słuččaki źviarnuli ŭvahu, što mnohija śmietnicy ŭ centry horada, a mienavita na prypynkach, zastajucca nieprybranymi. I takaja karcina nazirajecca prykładna z kanca minułaha tydnia.
Adna z čytačak SlutskGorod nakiravała zvarot praz słužbu «115.bieł», i atrymała adkaz:
KUP «Słuckaje ŽKH» nie moža vykanać hety vid rabot u suviazi z adsutnaściu biudžetnaha finansavańnia. Infarmacyja pradastaŭlena KUP «Słužba zakazčyka žyllova-kamunalnych pasłuh Słuckaha rajona», bo dadzienaja arhanizacyja źjaŭlajecca raźmierkavalnikam biudžetnych srodkaŭ».
Da adkazu słužba «115» prymacavała list, adrasavany niepasredna ad Słužby zakazčyka ŭ adras Słuckaha ŽKH:
«Davodzim da Vašaha viedama, što pieralik rabot pa ramoncie i ŭtrymańni vulična-darožnaj sietki h. Słucka i Słuckaha rajona na 2025 hod užo sfarmiravany ŭ miežach vydzielenaha finansavańnia i apublikavany ŭ haziecie «Słucki kraj» ad 31.01.2025 h.
Dadatkovyja raboty, u tym liku pa zajaŭkach i zvarotach, jakija nie ŭvajšli ŭ pieralik rabot z-za adsutnaści dadatkovaha finansavańnia, u 2025 hodzie vykonvacca nie buduć. Jany buduć pryniatyja pad uvahu pry składańni płana ramontu vulična-darožnaj sietki h. Słucka i Słuckaha rajona na 2026 hod u miežach vydzielenaha finansavańnia».
Druhoj infarmacyi pa hetym nie było.