Žychara Mahilova, jaki zasnuŭ na prypynku, abrabavali dvojčy
U milicyju Mahilova źviarnuŭsia 35‑hadovy žychar horada, u jakoha nočču skrali rečy na sumu kala 2700 rubloŭ.
Mužčyna viartaŭsia dadomu paśla kłuba. Jon čakaŭ transpart na aŭtobusnym prypynku i tam zasnuŭ. Pračnuŭšysia, jon pabačyŭ, što jaho abakrali: źnik mabilny telefon koštam kala 2000 rubloŭ, a taksama kašalok ź biełaruskim rublami i valutaj na sumu kala 700 rubloŭ.
Milicyja vyśvietliła, što čužuju majomaść skrali dva roznyja čałavieki ŭ rozny čas. Spačatku 39‑hadovy miascovy žychar, jaki prachodziŭ mima, abšukaŭ mužčynu, znajšoŭ i zabraŭ mabilny telefon. Paśla hetaha 49‑hadovy prachožy vyciahnuŭ u paciarpiełaha kašalok, zabraŭ ź jaho kupiury i vykinuŭ pusty hamaniec.