U Francyi zatrymali treciaha padazravanaha ŭ rabavańni Łuŭra
Skradzienyja kaštoŭnaści pakul što nie znojdzienyja.
Skradzienaja dyjadema impieratrycy Jaŭhienii (uviersie) i jak karona (unizie), jakaja była kinutaja hrabiežnikami i paśla znojdziena na vulicy. Fota: Wikimedia Commons
U Francyi zatrymali treciaha padazravanaha ŭ rabavańni Łuŭra, paviedamiŭ telekanał BFMTV.
Dvoje zatrymanych pa spravie ab rabavańni Łuŭra častkova pryznali vinu, zajaviła na pres-kanfierencyi prakuror Paryža Łor Bieko. Pra heta pišuć Le Figaro i BFMTV.
Abodva zatrymanych užo mieli sudzimaści za kradziež i pracavali ŭ dastaŭcy. Adzin ź ich — 34‑hadovy hramadzianin Ałžyra, druhi — 39‑hadovy uradženiec francuzskaha horada Abiervilje u departamiencie Sen-Deni.
Skradzienyja kaštoŭnaści pakul što nie znojdzieny, udakładniła prakuror.
Rabavańnie Łuŭra adbyłosia 19 kastryčnika. Hrupa złačyncaŭ pranikła ŭ Halereju Apałona — muziejnaje schovišča kaštoŭnaściej, dzie vystaŭleny karaleŭskija rehalii. Jany skrali skarby, jakija naležali niekalkim francuzskim manarcham i ich žonkam. Pavodle papiaredniaj acenki, košt ukradzienych upryhožvańniaŭ składaje €88 miljonaŭ.