Sioleta litoŭskija pamiežniki pierachapili ŭžo 545 šaroŭ z kantrabandaj i 50 dronaŭ ź Biełarusi

U Słužbie achovy dziaržaŭnaj miažy Litvy pry Ministerstvie ŭnutranych spraŭ u adkaz na zapyt «Radyjo Svaboda» raskazali, kolki ŭsiaho pavietranych šaroŭ z kantrabandaj im udałosia pierachapić sioleta ź biełaruskaha boku.

Tolki za kastryčnik litoŭskija pamiežniki pierachapili 65 šaroŭ z kantrabandaj ź Biełarusi, a taksama 5 dronaŭ. Z pačatku hoda heta — 545 šaroŭ z kantrabandaj.

Najbolšuju kolkaść šaroŭ pamiežniki zafiksavali ŭ sakaviku — 77.

Adzin dzień — 22 kastryčnika — staŭ rekordnym: było pierachoplena 13 šaroŭ. U toj dzień Litva čarhovy raz była vymušanaja zakryć aeraport i časova miažu praz šary, što prylatali z boku Biełarusi.

Usiaho z pačatku hoda šarami i dronami sprabavali pieravieźci kantrabandaj 889 tysiač pačkaŭ cyharet, paviedamili ŭ Słužbie achovy dziaržaŭnaj miažy Litvy.

Adzin pavietrany šar zvyčajna niasie kala 1500 pačkaŭ cyharet.

Kamientary da artykuła