Polskija VPS pierachapili rasijski samalot, jaki lacieŭ z vyklučanym transpondaram nad Bałtyjskim moram
Pavietranaj prastory Polščy raźviedvalny rasijski samalot nie parušyŭ.
28 kastryčnika 2025 hoda para źniščalnikaŭ MiH-29 VPS Polščy pierachapiła, vizualna apaznała i vyvieła z zony adkaznaści samalot Rasijskaj Fiederacyi, jaki ździajśniaŭ palot nad Bałtyjskim moram, paviedamiła Polskaje Apieratyŭnaje kamandavańnie.
«Polskija źniščalniki pierachapili rasijski samalot Ił-20, jaki vykonvaŭ raźviedvalnuju misiju ŭ mižnarodnaj pavietranaj prastory biez padadzienaha płana palotu i z vyklučanym transpondaram. Samalot nie parušaŭ pavietranaj prastory Polščy. Dziakujučy vysokaj bajavoj hatoŭnaści, prafiesijanalizmu lotčykaŭ i dakładnaj pracy sistemy SPA apieracyi byli praviedzieny chutka, efiektyŭna i biaśpiečna», — havorycca ŭ paviedamleńni ŭ akaŭncie Polskaha Apieratyŭnaha kamandavańnia ŭ Ch.