«Łukojł» źbirajecca pradać svaje zamiežnyja aktyvy paśla ŭviadzieńnia amierykanskich sankcyj
Ciapier kampanija razhladaje prapanovy ad patencyjnych pakupnikoŭ, paviedamlajecca na sajcie «Łukojła».
Ilustracyjny zdymak
Rašeńnie pradać zamiežnyja aktyvy «Łukojł» pryniaŭ praź niadaŭna ŭviedzienyja suprać jaho i jaho daččynych kampanij amierykanskija sankcyi.
«Prodaž aktyvaŭ ažyćciaŭlajecca ŭ adpaviednaści ź licenzijaj OFAC na zhortvańnie dziejnaści. Pry nieabchodnaści kampanija płanuje padać zajaŭku na padaŭžeńnie licenzii dla zabieśpiačeńnia bieśpierabojnaj pracy svaich zamiežnych aktyvaŭ», — havorycca ŭ paviedamleńni.
22 kastryčnika ZŠA ŭviali sankcyi suprać «Łukojła» i «Rasnafty». Paśla hetaha, pavodle źviestak Reuters, Kitaj prypyniŭ zakupki rasijskaj nafty.