Vyjšła na svabodu palitźniavolenaja maci traich dziaciej Julija Łaptanovič. Jana ŭžo vyjechała da siamji za miažu
Jaje muž Ihar Łaptanovič taksama byŭ palitviaźniem.
Na volu vyjšła palitźniavolenaja Julija Łaptanovič. Hetuju infarmacyju «Našaj Nivie» paćvierdzili blizkija žančyny.
Juliju Łaptanovič upieršyniu asudzili ŭ 2021‑m pa spravie karahodaŭ. Tady joj, šmatdzietnaj maci z Pružanaŭ, dali try hady chatniaj chimii, a jaje muža Ihara Łaptanoviča pa toj ža spravie asudzili da 2,5 hoda kałonii.
13 kastryčnika 2021 hoda Juliju znoŭ zatrymali. U hety raz jaje sudzili pa šaści kryminalnych artykułach, u tym liku abvinavacili ŭ finansavańni ekstremisckaj dziejnaści i raspaŭsiudzie infarmacyi pra asobaŭ, datyčnych da pieraśledu jaje siamji.
Juliju asudzili da 4 hadoŭ 9 miesiacaŭ kałonii. U studzieni 2025‑ha hoda žančynu znoŭ sudzili — u hety raz jaje abvinavacili ŭ sadziejničańni ekstremisckaj dziejnaści.
U kastryčniku 2025‑ha Julija Łaptanovič vyjšła na volu. Žančyna źjechała ź Biełarusi.
Čytajcie taksama:
Šmatdzietnuju maci Juliju Łaptanovič buduć sudzić treci raz
U šmatdzietnaj siamji z-pad Pružan pasadzili maci, baćku, a ciapier i babu — usich za palityku